早餐係久違了的 all day breakfast 

食完睇咗陣動畫，突然間熱咗好多，燙埋件短袖衫轉頭岀街著。跟住就岀門睇戲，又去尖沙咀。

睇完戲去食個下午茶先，試咗某人之前講過有啲伏嘅芋泥西多士，係真伏，😂，芋泥同肉鬆真係九唔搭八。食完嘢就過旺角，本身都諗住行過去，但一岀個商場，嘩，熱到傻，都係搭地鐵算。

以前都係喺呢間買，我記得之前只係一張台，依家變咗鋪。一次過買埋日本嗰張，費事行2轉。落到樓下，即刻入落信封，見到信箱就寄俾 J。

買完就搭巴士返去。去買餸先，估唔到居然冇紅肉火龍果，得返白肉。去完街市，返到屋企附近先醒起要再買多一份菜，於是去咗超級市場。

既然去得超級市場，不過買埋啲急凍嘢。某人今晚唔返來食，又煮少一餐，lucky，晚餐係食煎急凍大餃子，唔錯唔錯。