5點 sharp 走人，趕去搭巴士。行得勁快，去到仲有好多時間 😂。

呢條路線真係好正，冷門得來好啱我。

去攞咗嘢先，攞完仲好早，不如試下平時勁多人嘅宜家家私餐廳。

唔⋯⋯麻麻，好在我冇眼闊肚窄冇拎甜品，淨係食個餐已經飽到上心口。

見到啲勁得意嘅嘢，最後冇買到，覺得屋企已經太多呢啲嘢。

食完再行咗陣吉之島，跟住行去巴士站，諗住過旺角買埋 sim 卡。點知原來個站勁遠，我又懶醒，去錯咗2個巴士站，下次真係應該 100% 相信Google map。到我去到個巴士站時，下一班車已經係4個字之後，去到旺角已經9點，啱啱好係間鋪嘅閂門時間。

結果我係再行去一個勁遠嘅巴士站搭車返屋企，我覺得今日行咗勁多路，原來都只係萬一步 _(:_」∠)_