諗住睇10半嘅電影，搭巴士去到戲院附近10點都未到。想去買飛先，點知戲院要搭3先開。仲有好多時間，周圍行咗一圈，唔想食星巴克，最後揀咗一間類茶記嘅餐廳。

雖然多士整得有啲耐，但上咗奶茶飲住先，多士來到時熱辣辣，勁好食！覺得呢2年俾香港啲餐廳搞到自己對食嘅要求低咗好多。再加上返工都係買外賣多，啲嘢食係熱嘅已經覺得好幸福。

食完啱啱好睇戲，睇完喺去街市先定返屋企先掙扎咗一輪。望一望 shopping list，啲嘢有啲多，應該都幾重先，都係返屋企先。

睇下動漫，Hea 咗陣再食埋蘿蔔糕就去街市。滿載而歸，有車仔真係好，但隻手又好似扭咗少少，下次都係小心啲。

買完餸返來又開始備餐，一直到夜晚。