真係日有所思 夜有所夢，好恐怖，夢到返工啲嘢。

好少有凌晨醒，醒咗之後極力想瞓返，但又好似有啲清醒。呢次已經係最近第2次4點醒，有啲無謂，但真係有啲驚會成為常態。唔夠瞓真係好辛苦，又易病。

諗東諗西，擔心得來，身體又同精神相反，感受到被竇嘅溫暖。唔係誇張，係幸福嘅感覺。啱啱開始瞓嘅時候，因為啱啱熄電熱氊，張床係太熱嘅，好多時都要伸手或者脚岀來降溫。但今朝醒嘅時候，驚覺原來呢個時候嘅被竇係咁舒服。同大冬天嘅極寒唔同，被竇外只係有少少凍，隻手伸岀去之後再放返入去，嗰種即刻就暖笠笠嘅感覺真係好正。如果天氣太凍，啲手腳係需要啲時間先會暖。

就係因為呢種幸福嘅感覺令我覺得更加唔可以醒，唔好嘥，要好好瞓一覺，迎接聽日嘅工作 ٩(˃̶͈̀௰˂̶͈́)و。