尋日返工都仲ｏｋａｙ，如果尋晚瞓得著，今日都應該可以返工。但尋晚雖然10點幾就瞓，最後因為鼻塞，好唔舒服，一直磨到 12 點幾都瞓唔著。

果斷決定要 SL，驚太夜會吵到人，決定今次 send email。call 完 sick，熄晒鬧鐘，安心瞓覺。今次真心病，原來我星期五果晚咁眼瞓係先兆。

今日一直瞓到 11 點幾，11 個鐘，醒起啱啱果個星期六都係。瞓完真係好舒服，我懷疑自己係因為呢排壓力太大先會病。不過都好既，小病是福，病一病我先知道自己要休息。病一病先明白自己抗壓能力有待加強，病一病我先有時間去客觀咁回顧返自己上個月既工作表現，幾好幾好。

喇唦好味，但因為病，個鼻塞住，食咩都覺得好淡。全日 hea，睇 Netflix，做下家務，好輕鬆。

晚餐食日式牛肉飯，但ｄ牛肉差過之前，太韌。