起身之後食咗 pizza 加烚蛋，加拿大人嘅墨西哥辣椒味幾好食。

食完連碗都冇洗就岀咗門，留俾某人幫我洗。

睇完戲有少少肚餓，於是喺戲院附近嗰間麵包店買咗個火腿芝士軟包，個包仲暖暖哋，幾好食。有1千年冇試過一邊行一邊食嘢，感覺真係麻麻，下次都係搵個公園坐定定食。

好快就行到朗豪坊，先去幫E個錶換電，免費，好正！個員工真係熟手技工，5分鐘都唔使就搞掂。佢整完我都未行完1圈，講緊間鋪係豆腐膶咁細。

跟住就諗住去 log-on 睇下菲林相機真身，點知多人到差啲連鋪頭都入唔到。

我真心又被嚇親，旺角真係好恐怖，拿拿臨走人。

買埋餸返到屋企4點左右，hea 下準備下，食飯燙衫，that's the weekend。