起身之後食咗個澱粉早餐，4份1個迷你 pizza 同一個餐包。食完之後睇咗 Netflix 同執咗啲手工嘢嘅材料，原來我真係買咗好多無謂嘢。跟住好快就肚餓，未到11點就食第2餐，試新嘢，北海道鹽味拉麵，又真係幾好食喎。



本身諗住再燙衫，但發現時間都唔係好夠，所以都係決定換衫先。先落樓下攞包裹先，拎上樓，再岀門。

去睇戲先，原來呢套戲冇字幕，有啲字真係唔識，同埋戲院真係勁凍。睇完戲就行過去油麻地電影中心買另外一部戲嘅戲飛，又慳返 $10 手續費。

中途想食啲輕食，見到有間冰室，但好似好細冇乜位咁，7仔又得啲凍嘢同嘉頓麵包。好在隔離有間麵包舖，買咗個肉鬆包，行行下又有個公園，於是坐低食個包，呢種天氣，其實真係幾舒服。

跟住再行過去旺角 Daiso，買咗啲雜物。

返屋企之前去買餸同生果先，滿載而歸，同勁重。5點半返到去就開始煮飯，一直企到9點備埋餐先完，企到有啲攰。

最後最後燙埋衫就是日完。