決定唔戒早餐，戒其他嘢，例如平時差唔多到12點時會覺得有啲肚餓，然後食餅，諗住食埋啲餅唔再買。然後午餐盡量將飯轉做菜，濃味嗰啲餸就帶少少飯。希望至少減返去旅行之前個磅數 ( ･᷄ὢ･᷅ )。
一收工當然就係即刻走啦，去到大窩口食晚餐先，即刻整好嘅脆香雞翼真係勁勁勁好食。
食完就去行吉之島，居然冇冬蔭功醬，但都買到啲平時用嘅調味料。
行完再買埋撈粗紅薯粉外賣，聽日做午餐，真係大滿足。
返到屋企推埋架車仔去超級市場採購，點知已經閂咗門 😂，記得之前好似晏啲先閂。都冇計，唯有返返屋企，BTW，有2個師奶同知我一樣。
