是日早餐



如題，夜晚8點幾先收工，仲要幾大雨下。話說今朝有人錯手買咗2套包餐優惠卷 😂，所以今晚食麥記。佢係唔知有雞餐 😂，成件事有啲搞笑，當佢同我講唔小心買錯，仲要係2套 😂。

因為去開嗰間麥記已經賣晒板燒雞腿包，所以要去遠少少嗰間，加上我岀地鐵時已經紅雨，拎完餐就搭巴士返屋企。其實雨都真係幾大下，唔知係咪因為夜晚，天文台冇顧忌，話紅雨就紅雨。

返到屋企就食嘢，個包真係縮咗好多，係一眼就睇得岀啲隻，但我覺得唔係呢排先岀現，之前已經逐漸細緊。

終於都星期五 🥲。