9點左右起身，食完早餐之後就岀門。估唔到今日咁順利，唔使等即刻有小巴。

去完吉之島，回程去街市同大生，準備返屋企時，居然落起雨來，仲要幾大下。

返到屋企，執咗啲嘢，食埋午餐就開工，跟住就忙咗一日。



首先將上個禮拜用剩嘅胡蘿蔔切細片，用來炒豬肉。今次試新調味，日式喼汁、茄汁加咖哩粉。

跟住處理啲米，因為啲米有蟲，想睇下整唔整到。災區主要係喺紅米同糙米嗰袋度，將啲米篩一篩，嘩，真係好多，好誇張。除咗啲成蟲，仲有勁多幼蟲，嗰陣時冇影相，依家諗返都有啲毛管戙。但我篩咗3袋之後就冇繼續整，因為我已經包起咗嗰啲⋯⋯好懶，唔想拆⋯⋯用個大保鮮袋裝住，放落冰格，希望有用。

就係咁搞咗一日，跟住就要開始準備晚餐。好彩只係將上次食剩嘅燒雞焗返熱佢，仲有整埋日式菠菜。最後2樣嘢都偏咸，夜晚有啲口渴。

食完飯燙埋衫，今日終於都完，真心攰。