今日真係好神奇，一起身，下，黑雨，望一望手冊，唔使返工。但我已經瞓夠，完全冇睡意，起身啦。見到某人做緊準備功夫，好似唔知發生咩事，佢都好驚訝原來依家黑雨。

嘩，真係好誇張。

食個靚早餐先。

中間開左個會，本來有 demo，但擾攘完一輪最後都係要改期。

午餐就食廚餘，好味！再來多杯咖啡，好彩聽日係星期六，all you can drink caffeine！

睇返ｄ片，真係好誇張，連日本新聞都有報導。

但估唔到最後都睇得成戲，之前買左飛，以為要去改期。先去超級市場買野先，想聽朝整咖哩俾埋某人帶返。超級市場一如我所料，菜架係吉既，好彩我要買果ｄ野全部都有。蛋都仲係好貴，真係唔知點解，keep 住高價已經有一段時間。

採購完就出門去睇戲，驚交通會唔順利，所以提早出門，去到先食晚餐。

以為我包場，望一望，都唔係既，只係我早到啫。