是日早餐，晨早流流就食甜品，我有先見之明，切左一半食左先，最後果然係一半就食。

天文台話呢個風好似山竹咁勁，政府又有晒佈置咁，話到明聽日會掛波。

我收工之後急急腳去搭返屋企，以防萬一，喺公司附近既超級市場買左大嗰隻奇異果，平過平時少少，$48 / 5 個。估唔到 5 點半都咁多人喺超級市場買野，又得一個收銀，都排左 2、3 個字。

知道聽日唔使返工，夜晚嗰餐臨時轉食外賣，仲要買左２杯奶茶，某人話要賀一賀佢。但結果係買唔到我地想食既野，轉食咖哩魚柳，咖哩唔錯，魚柳就唔好食，個炸皮太硬。

去拎外賣之前，先去巡視業務，買左幾樣零食。攞完外賣就返歸，再去屋企附近既超級市場，一入到去，菜就冇晒啦，生果都冇乜，好彩我頭先已經買左，叻叻。

夜晚食完飯就 hea hea，因為聽日唔使返工，太開心，唔係好捨得瞓，最後成點鐘先瞓。