今朝真係過得好離奇。話說我尋晚係勁眼瞓，同平日差唔多，10點幾就瞓覺。

今朝勁早就醒咗，6點幾左右。聽到某人岀咗門返工我先起身，費事阻住佢呀嘛。



食咗個勁豐富嘅早餐之後，睇咗陣 Netflix，嘩，唔掂，明明已經飲咗咖啡，都係勁眼瞓。於是8點半左右直接喺廳度瞓咗。一瞓就係3個鐘，過咗11點先起身。

勁似病，但又唔係，冇喉嚨痛、冇發燒、冇鼻水，淨係關節痛，尤其係2隻手掌 🥲。

瞓完跟住成日又冇事冇幹，下晝去買餸，跟住夜晚返阿媽度食飯。