去花墟買花，公司 pantry 嘅窗台有幾盆非洲紫羅蘭，長期有花開，搞到我都心郁郁想買返盆試吓。之前都有買過花放喺 office 同屋企，但都難逃一死嘅命運，希望今轉可以成功。

先去 Moko 食嘢，間間餐廳都好多人，好彩芽莊可以即入，不過我一坐低冇幾耐啲人就要等位。



生牛肉河依然好味，咖啡都係，大滿足。

食完嘢行完 U 記就去花墟。我喺 office 見到，覺得好靚嘅花原來叫肯亞小白合。兜咗一圈，發現我想買嘅白色或粉紅色紫羅蘭都唔係咁多，都係得2-3間鋪有。

買完盆栽就搭巴士返屋企。hea 咗陣之後就岀門採購，夜晚就例牌返阿媽度食飯。