先去行吉之島，估唔到又有收穫，終於都買到冬天著嘅襪！再去吉之島兜咗個圈，喺吉之島買咗可入微波爐嘅不鏽鋼飯盒係啱嘅，千色店有得買，但呎寸唔啱。
最後再去吉之島，喺超級市場買咗啲餸同韓式飯卷，跟住就返屋企啦。
返到屋企，某人已經換緊季，我食完嘢就加入戰團。好攰，超攰，中間休息咗2、3次。到5點左右，我執好咗我啲嘢，某人就夜晚再戰。
今次換季連親手織嘅頸巾都回收埋🥲。
晚餐係雞柳意粉，但雞柳同意粉醬都麻麻，所以總體來講係失敗 _(:_」∠)_。
食完飯之後發現都係要去一轉超級市場，於是久違了嘅夜晚岀門。
買完餸返來，拆埋聽晚要煲湯嘅鴨架先沖涼，跟住再燙埋衫，終於都做晒啲嘢啦 _(:_」∠)_。