今日係到長崎嘅第一日，原本個班機啲香港人已經係好嘈啦，跟住嚟到長崎站附近發現全部都係香港人。餐廳又係，超級市場又係，條街又係。真係好恐怖！

我check-in嘅時候發現，我班機已經係有3 pair人係住緊同一間酒店，我想到嚟房門嘅時候出𨋢都見到兩個香港人。依家坐咗喺酒店入邊睇電視，我居然聽到隔離有兩個香港女仔喺度講嘢，佢哋真係好嘈。

原本去旅行就係為咗離開香港，點知嚟到長崎又係咁聽到廣東話，好似冇走過咁真係唔係好得。更加恐怖嘅係，我居然開始擔心嚟緊嗰幾日都會見到好多香港人，已經開始唔開心啦。