8 點半鬧鐘一響就起身，今日原本約咗 A 傾嘢，尋日佢話隻貓入咗院所以要改期

而我一早咗戲飛，所以都要早起身

早餐食豬扒

食完就去戲院，睇完戲先發現唔記得帶鎖匙，msg 俾 E，冇覆，好明顯未醒

仲好早，返屋企中途落車，去行下吉之島先

好猛太陽，不過好在已經入秋，尚算頂到

吉之島居然執緊位，啲厨房細件嘢做緊特價，可惜搵唔到我想買嘅珍珠奶茶不鏽鋼大飲管

去超級市場買咗少少嘢，居然有牛孖筋，阿根廷產，試下先

見 E 醒咗就問佢要唔要魚生，買埋就返屋企，原定係要去街市買餸，因為有魚生就返屋企先

食完嘢洗埋碗又 hea 咗陣就去採購

晚餐係食清湯腩米粉，好味，啲牛孖筋唔夠淋要再煲，今晚就食唔到