8 點左右醒咗，起身啦

今個禮拜六日 to-do list 之一係清廚餘，咖哩酥餅好味，蕃薯就乾咗少少

煲咗咖啡，點知啲奶壞咗，冇酸味但變咗乳酪狀，成杯咖啡倒咗，最後變咗飲芬達，有少少九唔搭八，但好過冇

食完正餐就到甜品，加咗蜜糖都搞唔掂，雖然我係食晒呢舊，但覺得佢真係救唔番，所以掉晒雪櫃嘅存貨

中午係食急凍好油抄手，好味，再試奶啡，3 盒奶壞咗 2 盒，好彩仲有盒用到

下晝做自己嘢，夜晚少有地，成家出去食飯，極速食完，呀爸呀媽散水先，我哋去飲嘢

店舖糖水舖要排隊，瑞幸又冇三人位，最後去咗星巴克

我哋一坐就坐成晚，望下周圍，估唔到間舖成晚都坐唔滿，我哋 10 點幾就散水