8 點搭 8 已經醒咗，難得假期同埋唔係咁肚餓，所以冇即刻起身，瞓喺度㩒咗陣電話

成 9 點幾先食早餐，係勁唔健康嘅中式點心

食完 hea 咗陣就裝飾 2027 年本 schedule，每個月嘅貼紙都唔一樣，開心

2 點半食午餐，係 BTS 黑松露韓式豉油皇炒麵，普普通通啦，冇佢哋講到咁好食

估唔到今日會開衣車，幫 E 車衫袖

E 傍晚出去買下午茶，已經冇咗我想食嘅花生醬西多，佢幫我揀咗葡撻

於是就出現咗呢個睇落有少少九唔搭八嘅晚餐，個 bagel 係本身雪櫃有嘅嘢

成 7 點先飲奶茶，唔知今晚瞓唔瞓得著呢，不過冇所謂啦，聽日都仲係假期

我坐喺度食緊嘢嘅時候，覺得呢個畫面好陌生，好少假期係得我一個人喺飯枱度食晚餐

平日假期，一係星期六返阿媽度食，一係星期日我煮然後同 E 一齊食

飯後再來多個應節生果——楊桃，雖然係黃，但都係唔甜，只係冇咗陣澀味，今年就應該唔會再買，下年就下年先算啦