估唔到要搭地鐵頭班車，第一次，依家先知原來好多人搭頭班車

T2 再起動之後第一次去，唔知情況係點，所有 download 定平面圖研究下

6 點 11 個字就到 T2

香港人最鍾意行嘅路，幫 E P走咗右手邊嗰個人，但仲有個影，有啲鬼片嘅感覺

我哋擔心食唔到早餐，E 就入咗去先，我等埋 J

最近果單航空公司職員放毒品落旅客行李嘅新聞真係搞到人心惶惶，寄行李之前都係影張相先

原定 9 點搭二起飛，但因為落雨，機場封咗跑道，到搭 8 都仲未起飛

真係好痴線，之前係咁宣傳話 3 跑幾咁勁，原來都係會封嘅

我哋完全冇帶現金來，所以喺機場兌少少現金，應該大部分都係用電子支付

依家啲機場真係趕上變化，有專門等網約車嘅地方，但都幾遠下，要行到去國內線航廈嗰邊

去酒店 settle down 咗先，因為酒店係喺細街入面，個司機一開始行錯咗，又兜返轉頭

喺細街揸車真係好考功架，韓國司機又全部都好 aggressive，好兇狠，都幾得人驚

我哋先去咗一間食湯飯嘅餐廳食啲嘢先，但唔太好味，仲有啲貴添

由於時間好尷尬，餐廳好少人，我哋入座之後，仲冇另外 2 台香港人，我懷疑佢哋都係岩岩落機

食完就去 cafe 坐下，好大同好少人，坐得好舒服

hea 完就去行下附近嘅樂天商場，好大風

我哋行完商場，一出去就見到居然落緊雨，仲要唔細，好彩我哋有帶遮

夜晚 8 點幾再出去食晚餐，食韓燒，都幾多人

肉好味，蔥泡菜更加好味，大滿足

甜品係唔好味嘅乳酪，我哋原先拎咗唔同款，但個收銀同我哋講有一款有買一送一，最後揀咗果款

夜晚差唔多 11 點準備瞓覺，點知熄唔到燈，要搵酒店職員，佢哋望咗望，最後果個電工係直接掹線，聽日再整