難得最近買嘅牛肉果都好靚，儘快食晒佢哋先

預咗要 OT，好彩都唔係話太遲走，6 點就收工

晚餐就當然係麥記同我近期嘅最愛－－芒果特飲啦，超好味，大滿足

夜晚屋企有大工程，前幾日屋苑洗咸水缸，但到第 2 甚至 3 日都仲係冇乜水

E 打電話去問，管理處話一早搞掂咗，可能係我哋個水缸塞咗

我哋呢個禮拜都係用淡水沖廁，今晚 E 就要通返個水缸，拜托了工匠

最後佢搞咗 2 個鐘，我就不時幫手遞下嘢，工匠好犀利，搞掂咗

btw，真係塞咗，E 話係樹機葉嘅嘢，但我睇咗下，應該係曱甴屍體，因為佢個質感膠膠地，仲有腳⋯⋯