連放 3 日假，最後一日都仲有 mood 岀街，同埋真係好想睇嗰本書。

天水圍有啲遠，淨搭鐵都要差唔多 40 分鐘，好彩有得坐。

圖書館就喺地鐵站上蓋，唔知點解地鐵岀口冇水牌，要跟 Google Map 行過去先見到康樂大樓嘅指示。岀口係輕鐵站，要去圖書館就落樓梯穿過半開放式行人隧道，上上落落，不過唔使 5 分鐘就到。

塊藍色招牌令我真心覺得「喺香港做設計真係慘過食屎」

我估計原先個設計淨係得上面嗰排字，但太高同啲字太細，再加上個背景，係好難識別呢間就係圖書館

但真係可以做好啲囉，呢隻藍色呢個設計真係好樣衰 ( ･᷄ὢ･᷅ )

圖書館入口個風格就同岀面設計一致啲

唔係我手震，係啲字立體有陰影，影岀來有重影

一入到去好舒服，估唔到個圖書館咁大，有 7 層樓，查返資料，原來係全港第二大，僅次中央圖書館

由於附近冇高樓大廈，落地玻璃窗望岀去仲見到條河，好開揚好舒服

超順利咁搵到想要借嘅《無名金融怪傑》，走時仲借埋《Being geek晉身怪傑》，《從新主管到頂尖主管》同《面試的科學》