朝早 8 點就醒咗，研究咗一陣諗緊睇唔睇 Chikawa，發現啱時間地點嘅場次唔多

啱心水嘅有一場，但居然係廣東話，諗諗吓都係算，喺屋企食個靚早餐先岀門啦

咸牛肉奄例 + 肉桂港式奶茶

真正嘅滿載而歸，背囊同購物袋都裝滿晒，都幾重下，諗緊下次係咪用車仔好啲 🤔，仲可以買埋南瓜

好熱好熱勁熱，返到屋企都係例牌沖涼，最後淋下凍水，舒服晒

午餐係怪味 BTS 蜆肉味麵，陣味真係好怪，點解可以咁怪

晚餐係牛扒同妹仔大過主人婆嘅勁勁勁好食薯仔沙律

塊扒熟咗少少，7 成，我心水係 5 成，但 E 覺得啱啱好

今日又係喺厨房忙咗成日，每個禮拜日都咁忙 _(:_」∠)_

食完飯沖埋涼燙埋衫，終於都可以 hea

擦緊牙嘅時候突然之間個肚好痛，一開始冇咁痛覺得可以忍下，但愈來愈痛，頂唔到，拿拿臨吐咗啲泡去廁所

輕瀉 🤔，但明明今日食啲嘢都好正常，好彩只係痾咗一次就完