早餐

食完睇下 Netflix 又整下波仔，之前留咗啲雜菜用嚟煲臘腸飯，放咗一 mug 米搞到啲飯太多

我原先個估計係啱嘅，半 mug 米應該啱啱好，應該相信自己 🥲，依家由有味飯變咗做淡味甚至係無味飯

之後又整咗肉桂糖，一開始落得太多肉桂粉，搞到之後要溝淡佢，係咁加糖

阿爸阿媽返咗大陸，今晚唔使返去食飯，我同 E 就去咗行街

先去食個 early dinner 先，5 點過少少岀門，估唔到唔使等位，以為任何時間都會好多人嘅添

食完飯就去行宜家家私，跟住再去行商場，行到腳跛，完全唔知點解

大家隻腳都勁攰，係攰過旅行嘅時候好多，望一望，都只係行咗 8 千幾步，明明旅行嘅時候行過萬先會攰到咁

買埋奶茶，返屋企時係 8 點幾，原來連續行 2 個鐘係會咁攰 _(:_」∠)_