早餐

好似又有風，雖然唔係吹香港，但係都搞到好熱好焗

啲咁熱嘅天氣，收工之後仲要去買嘢 _(:_」∠)_

今個禮拜要食豬腱，因為唔想同豬肉佬打交道同記得超級市場平好多，所以決定去超級市場

但又唔係間間都有，公司樓下同去開嗰 2 間都冇，屋企附近要搭一程車嗰間就有

好，一於就去嗰間啦，地鐵早一個站落車，極速買完，可惜啱啱走咗架巴士，班次太疏，要去遠啲嘅巴士站

好熱，真係好熱，仲要拎住 6 舊急凍豬腱，都真係幾重幾辛苦下

一上巴士，真係有一種自己上咗天堂嘅感覺，感謝發明冷氣嘅人，我仲要開「恆」把風扇仔，好舒服

但都未得屋企住，仲要兜去街市買芽菜，買完返到屋企成身都係汗，真係超熱

今晚係食冬蔭功湯，每次用佢都覺得自己買得好啱