最近真係好心煩氣躁，好多好多事交織埋一齊，形成一團多色線團。

首先係恐懼 AI 會令自己失業，最近一年好努力咁業餘進修，除左睇書也都有睇 YouTube，用左好多時間，但一個 AI 打亂晒我既計劃。

對我來講，AI 既「橫空出世感」好強，可能我真係未夠緊貼業界，所以當 AI 喺短時間之內被廣泛應用既時候，我係同世人一樣咁驚訝。

其二係對於自身學習能力既不滿，呢點同第一點有少少關係，全世界都講緊 AI 點勁點勁，而我仲喺度學習緊「AI 前」既技術－－Distributed systems，仲要有幾樣核心既技術都仲未掌握到。而再上一代既 Domain-Driven Design (DDD)  也都一樣，如果要我用好簡單既句子來介紹 DDD，恐怕也都未做到。

自問用既時間真係唔少，甚至係覺得幾乎空餘時間都係用左來學習，但結果真係未如理想，我要做一件更多困難既事－－改變學習習慣。

最後一樣就係屋企既事，雖然我參與既討論同落決定既時間唔算係好多，同埋淨係發生喺特地既時間，但因為件事一直都未解決，間唔中又會跳啲問題出來，都係有少少煩。

我想解開呢個線團，中間休息左一段好長既時間，又醒起之前《做自己的生命設計師》，覺得自己玩樂既時間太少，決定起動呢個計劃。

而呢個計劃未非橫空出世，而係有一段淵源。

話說我小學既時候已經好鍾意去圖書館，借既主要係愛情小說，例如係傳說中既尋夢園系列。去得多就自不然睇下有咩其他書可以睇，另外一類就係 OL 返工衣著之類，會想像自己返工之後既打扮會係咁。

而喺中一既時候，我遇到知音－－一個同樣鍾意圖書館同閱讀既同學 C，我地相約要去晒香港既所有圖書館。可惜既係，我地去左二、三個圖書館之後，佢喺中一升中二果年既暑假就移左民，而我也都冇繼續呢個計劃。

突然之間醒起呢個朋友之約，不如就完成佢啦，而且香港好多地方我都未去過，就趁機去埋果啲我平時冇機會去既地方啦。

スタート！