8 點已經醒左，查一查，花墟間鋪 10 點半先開門，有排……

今次諗住換左個膠盆買返啲陶盆，希望疏水疏得好啲，啲花冇咁易死，煮緊早餐既時候度一度先，費事買錯 size

早餐係食韓式煎餃

差唔多 10 點準出門時發現已經冇晒出街衫，要再燙，燙完已經 10 點幾

執完袋岩岩好有一班車，去到花墟時間岩岩好，所有鋪頭都開晒

行晒繽紛 4 層都搵唔到我想買既野，出去兜下先，原來就喺轉角

當你特登想買一樣野既時候總係買唔到既，以前成日見 DAISO 有啲勁 raw 既陶花盆，勁平同有唔同 size 揀，仲要 $12 有 3 個，到你想要時又會冇既

今次出花墟，我之前上網已經睇左，諗住買白色，到睇到實物時，原來都幾大下，屋仔細細，擺唔到啦

岩 size 既得深灰色，冇計啦，唔襯都要照買，最神奇既係佢居然係德國製，山長水遠運過來亞洲

搭地鐵之前先打電話嗌定外賣先，返到去已經有得拎，唉呀，唔記得走湯，好重

食完野 hea 左陣就換盆、淋水同營養液，希望可以種到佢地開花啦

覺得呢個世界真係好奇妙，咁岩今日要出街，真係天助我也，微雨有風同勁涼，如果係夏天我一定唔會想出街

晚餐係再挑戰網民食譜－－水煎五花肉，大成功，真係好似喺韓國食嗰種味道

臨瞓之前執返個返工袋，發現個細 porter 居然有啲地方發霉

Check 晒成個袋，唔止一個地方，即刻用番梘水洗，希望救得返

浸完袋嗰兜水係淺啡色，諗諗吓又好正常，好似從來冇洗過 ( ･᷄ὢ･᷅ )