早餐，食完就睇 Netflix，假期真好

嗰日睇盧思達講起 Shine，醒起我有買過佢哋嘅 CD，又醒起新嗰部 discman 係可以駁藍芽

難得得我一個人喺屋企，播下歌懷愐一下青春歲月，之後仲播咗《青春電幻物語》嗰 2 隻 CD

執嘢時發現之前整咗一半嘅裙，決定下晝整埋佢，到 5 點終於都完成

6 點過少少同 E 岀街睇戲，等開場嘅時候見到爆谷好吸引，決定散場後買返屋企食

睇完戲 9 點左右，帶埋爆谷去食晚餐，係一間韓國餐廳

我哋叫咗 2 個餸，但都係食唔晒，間舖又已經截咗單，最後免費俾咗個外賣盒我哋

近期岀返夜街，夜晚天氣都尚算舒服，未話太熱，仲有啲風添