假期第一日，早餐係食超濃味韓式烤肉煎餃，我終於都記起佢有咩問題啦，係啲饀比較碎，唔係爽果隻所以我覺得麻麻，決定以後只買韭菜果款

食完野就入假期既戲肉，hea！hea！hea！

但 hea 左幾下之下又覺得有少少悶，於是又望下本 schedule，睇下有咩 to-do 先，咦，都真係幾多下

唔知點解，突然之間去左做 PMP 續期既野，可能因為佢個 couse 有 AI 相關既野，係我最近覺得要學習既野

莫名其妙地睇左個課程，咁就有左 3 PDUs 啦，仲有 57 個，下次再戰

2 點左右，E 醒左問我出唔出去食下午茶，依家先假期第一日，我就唔係好想出街，想留喺屋企歎下先

第 2 餐係食餐蛋味精薯仔麵，yum

下晝仲焗埋麵包，跟住又係 hea hea hea

由於大家冇出門也都冇乜郁動，完全冇乜食晚餐既慾望，有啲無聊，不如開始換季啦

大家都覺得換季換得好密，明明上次一次換季係冇耐之前，依家又要換

郁下終於都肚餓啦，整左買左一輪既辣炒年糕，唔，係 expected 既韓式甜辣炸雞既味道

大家都覺得味道麻麻同埋食唔晒，好難得我食剩既野仲多過 E

食完野又再繼續執野，今次比我想像中快，可能要考慮掉唔掉既野上次已經處理左，今次冇乜點用腦，所以感覺快左好多

執完野又有少少肚餓，但屋企又冇乜野食，最後只係食左幾塊南乳餅同一條皇帝蕉

估唔到朝早杯咖啡可以支撐到夜晚，1 點左右入房，hea 到 2 點就瞓覺