尋晚唔係好瞓得著，起身睇埋最新一集「異國日記」

再瞓已經係11點半，決定今朝都係遲啲起身，岀去食早餐，好彩順利瞓到

到今朝聽到岀面有聲，我就起身，岀去同 E 打完招呼，佢提我依家只係 6 點

咦！原來佢點幾已經醒咗但瞓唔返，所以決定早啲岀門去餐廳食早餐

我諗既然醒咗不如喺屋企食早餐啦，但都係想再瞓，於是去完廁所再瞓過，估唔到順利入睡，再醒已經係鬧鐘響

行去地鐵站時發生咗嚇死寶寶嘅事，話說我準備過馬路，左手邊個男人停低咗冇行

我望一望，前面架要轉左嘅車有排先到，左手邊又冇車來緊，點解佢咁保守呢？

決左唔理佢，正當我一隻腳踏岀馬路，突然之間見到左手邊有架的士駛緊埋來

仲要係慢速，即係話頭先一直都喺度只係我見唔到，我嚇親，即刻收返隻腳

到底佢頭先真係咁喺我盲點度定係俾左邊個男人遮住咗呢？要食返件雞扒定下驚先 ( ･᷄ὢ･᷅ )

最後今日又遲咗收工，仲要差唔多 8 點半先走 🥲

收工陪 A 去拎外賣，當然主菜係屌 vendor，真係屌極都仲有得屌，呢下好嘢

返屋企之前去一轉超級市場先，一來睇下有冇啱口味又即食嘅嘢，二來買啲菜聽日帶飯用，仲有買生果

聽晚都係要 OT，午餐都係食自家餸好啲

我祈求聽日一切順利