估唔到又絞腸痧，真係好離奇

話說今日 7 點幾醒左，一開始覺得只係生理時鐘，個肚係有少少絞絞地既，可能只係時間到

點知開始有少少激烈，都係去一去廁所先，但居然愈來愈痛

OMG，又係絞腸痧？！AGAIN？！唉，好彩最後去多一次廁所，到 9 點幾就完左，好攰，都係再瞓下先

再起身時已經係 11 點，過左陣 E 都起身，大家一齊食多士

hea 左陣又燙埋衫，2 點幾就的起心肝出街，要去吉之島做最後一次採購

一出街，天氣好好但好熱，我覺得已經係夏天……

去到吉之島，估唔到又唔多人，唔通啲人真係去晒旅行同返大陸，好順利咁買完野再極速返屋企

由於大家都有啲肚餓，決定 6 點就食飯，而晚餐就係吉之島既刺身，只係煲飯同撈醋就得

等緊飯既時候洗埋全盒，食完飯洗埋碗就砌埋全盒，雖然年年都差唔多，但都影左張相