尋日順利完成任務，一到 5 點即刻收工走人

可能因為放鬆，星期五夜晚特別攰，10 點半就瞓覺，然後久違了既瞓左成 11 個鐘

7 點半左右自然醒咗，望一望電話，已經瞓咗 9 個鐘，其實已經可以起身

但合埋眼再醒時已經係 9 點半，講真我自己都好驚訝，我諗今個月真係太忙啦

星期六早餐都係 heavy metal 咖哩 + 酥餅，再加 latte，正！

2 點左右就岀門，參觀之前去食啲嘢先

上星期先食完西多雞翼，今日想食其他嘢，搵唔到牛腩麵，最後食雲吞麵

食完坐咗陣，諗緊係咪買舊牛脷酥返去，坐坐下都覺得食得落，於是堂食

食完去 7 仔買咗罐牛奶咖啡，望一望錶，咦，已經夠鐘，快步過去，啱啱點名

今日去又參觀前深水埗配水庫，有真人講解係唔同啲