早餐食咖哩係 heavy metal 左少少，但好味，再挑戰小 V 煎酥餅，都係失敗既，我懷疑係太熱，下次試下熄火等一陣先煎

食完野之後就整下ｄ盆栽，果棵紫羅蘭唔知點解唔開花，試下加多ｄ泥睇下會唔會有幫助

呢２棵係之前拆開左既細株，用水養左２個禮拜左右，見佢生左根決定都係種返落泥度，但只係 keep 左左手邊果棵

咁樣搞一搞，唔知可以生存到幾耐，希望來緊會開花啦

中午出左去睇戲，睇完原本諗住喺商場食埋下午茶，但真係好多人，決定都係買外賣返屋企食，雞翼西多熱奶茶，正！

食完野就去超級市場採購，買左差唔多 $600 蚊野，夜晚就返呀媽度打邊爐，食左好多野，大滿足！

我覺得香港已經係有少少冬天既感覺，夜晚返屋企時真係覺得凍凍地，好彩有件 cheap cheap 風褸擋下