我同自己講，唔好咁易受人影響心情/士氣，今日都要努力過得開心 ٩(˃̶͈̀௰˂̶͈́)و

午餐係牛腩牛筋麵，好多料 🥹

唔知係句宣言有用定因為返工全日戴住 earphone 做嘢冇人打攪，今日雖然都多嘢做，但一路去一路去，算係完成咗好多嘢嘅

但都仲係要 OT，5點9先收工，今晚冇得食鱔，要食外賣

點知外賣都有意外，我係嗌「薯仔牛柳粒白飯走湯熱奶茶走餐具」，去到無端端多咗樣雜菜，又唔係跟餐

最離奇嘅係冇多一個盒，我實在係唔知佢同個薯仔牛柳粒點樣結合埋一齊，好迷

要喺餐廳等佢炒多碟，決定下次都係去到先落柯打

返到屋企 E 好生性，幫手烚咗菜，但餐廳啲飯已經係室溫，感覺麻麻，下次都係加熱返先食

夜晚公司有嘢做，9 點又要開工，一直到12點先瞓得

好彩一切比我想像中順利，對家超乎我預料如期完成，我呢邊都係 ٩(˃̶͈̀௰˂̶͈́)و