係一個靠賣老翻致富既勵志故事，笑。我覺得係導演要影迷作「要同電影 say goodbye」呢個心理準備既作品。

由半懸疑開始到一本正經分析點解 VAN VDO 點解會成功，例如因為佢係做獨市生意、佢有齊晒 4P（Product、price、place、promotion）、佢用心經營、佢有回應該市場，知道ｄ影迷想要ｄ乜等等。

由幽默到認真，大家講起點樣發現間鋪，消費多到直至成為 VIP 等都好懷念，有種 good old days 既感覺。到中間開始談及果ｄ電影對佢地既影響，再後期觸及道德，大家明知買翻版係錯既，如果再俾佢地揀，佢地仲會唔會咁樣做？雖然大家都有猶豫同為自己既行為辯護，但最後大家都係會做同樣既選擇，因為大家對電影既渴求超過規範。

尾段就係作為對時代結束既感慨，我對咁多位訪問者講既野都好有共鳴，大家都敵不過時代。雖然係好可惜，但諗諗下又好理所當然，果個時代既人逐漸消失，果ｄ行為、行動冇人做，果ｄ文化也都會消失。

我諗我都要釋懷，唯有趁仲有戲睇時睇多幾場啦。呢個場次連埋我應該 10 個人都冇，我左手邊果位男士仲要係瞓左半場，我都有諗，星期五夜晚，已經工作左 5 日咁攰，點解仲要來睇戲呢？

套戲唔錯，佢瞓左真係好可惜，建議佢下次好似我咁，入場前一個鐘飲杯咖啡先，叉晒電先上場作戰，笑。