導演/演員
岩井澤健治 / ---

故事大綱
區區100米，足以定義某些人的一生。天生跑得飛快的飛人富樫，在賽跑中找到了友情和歸屬感；轉校生小宮拼命狂奔，只為了逃離殘酷的現實，希望將一切拋諸腦後。小宮請教富樫如何跑得更快，二人從練習中建立起深厚情誼。小宮發掘了對跑步的熱情，開始不顧一切追求進步，兩人在男子100米短跑賽道上，逐漸變得亦敵亦友。 時光飛逝，天才型跑手富樫嶄露頭角，但要持續獲勝的恐懼，漸漸拖慢了他的步伐；與此同時，小宮已成為頂尖跑手，兩人在賽道上再次碰頭，決意拼盡全力，為榮耀狂奔⋯

---------- =u=V ----------

睇完呢套戲之後好大感觸，久違了既覺得需要寫ｄ野。

成套戲都圍繞著三個字展開：為什麼？我對於簡介中過度簡化既「榮耀」有所保留。

戲入面富樫問小宮點解要跑？小宮答係為左逃離殘酷的現實，乜依家日本既小朋友咁早熟既咩？對佢來講，乜野係殘酷？乜野係現實？係不斷既搬遷與轉校？戲入面冇直接交代，但似乎唔係因為金錢。運動會前夕，小宮對鞋已經爛到冇得再爛，佢父母都想佢買過對新既，只係佢想著一對熟悉既鞋來比賽。

電影故事好簡單，不足以做為賣點，反而係不斷出現既跑手更加值得講，而佢地對於點解要跑都有自己既原因。

富樫：故事主角，有串連起唔同角色既作用。戲中佢經歷過不敗之後喺壓力之下失去左方向，搵唔到繼續跑落去既原因之後居然自己散佈自己身體有事既謠言以逃避現實。喺為左拯救田徑部而拾回信心之後，佢搵到繼續跑既信心，但過左 15 年之後，佢再度面臨同一個問題：點解要跑？喺諮詢海棠既意見之後，佢再度搵到方向兼且改變左跑法而有所突破。就喺呢個時候，佢要面臨最後一次點解要跑既問題，跑？就係最後一次，號完以後都冇得再跑。唔跑，其實結果都一樣，不獲續約只可以做教練。咁，不如盡地一煲，電影也留白，未有明確表示邊個係勝利者，我諗，其實邊個贏都唔係咁重要。

小宮：細細個喺富樫既訓練之下見到自己既進步，繼而相信自己可以不斷進步而真係不斷進步既人。佢算係打遍天下無敵手，好清楚自己既弱點係咩，也都好努力去解決身心問題。佢最想既係不斷進步然後跑贏所有人，卻輸左被一個毫不在意輸羸既人，令到佢一度失去左方向。富樫重提：「只要跑 100 米比別人快，就能解決一切」。

仁神：佢係我最有共鳴既角色，猶如配角一般既人生。由高峰到低谷再上高峰再明白有ｄ野自己永遠都贏唔到其他人，也都唔需要贏其他人。

海棠：「面對現實」。

財津：對我來講，佢係充滿笑點既人，好多幕都係「一臉正經說幹話」。雖然果ｄ唔係幹話，而係佢自己既答案，享受一切，開心既唔開心既，無需憂慮任何野，所以既野都係真實。贏都使太過開心，輸左也都唔使太過傷心，只要享受一切就得。

第一次因為睇完電影之後想搵返套漫畫來睇，唔知原作係點解鋪排果堆金句既呢？定係真係好似導演咁樣，密集地出現？

但我最有感觸既唔係戲入面既熱血，而係當每個人都有自己「為什麼」既答案，冇一個重複。當財津想向小宮說教時，小宮好決絕地表示唔一樣，財津都明白。冇錯，個個人既答案都唔一樣，每個人都要去搵自己既答案。雖然人地會對你有所啟發，但你都唔可以乜都照搬，因為你係你，人地係人地。

就係因為每個人既問題同答案都唔一樣，果種「人地唔明」既感覺其實好孤單，甚至有ｄ絕望。咁岩我最近睇左本《領導才能》，最後一章講到如果冇左領導我地會點，自由會帶來恐懼。