8 點已經醒左，吉之島淨係得超級市場開左，唔使咁早出門就喺屋企 hea 到搭 10 左右

去食個靚早餐先，我既最愛－－雞中翼沙嗲牛通加熱奶茶

跟住就去小巴站，等等下就諗不如試下行過去，雖然行完應該會幾熱下，Google map 下，咦，只係 22 分鐘，行唔行好呢

就當我踏出第一步，都未過紅綠燈已經見到架小巴埋站，咁都係下次先啦

最後我覺得呢個決定真係好岩，因為今日對鞋唔係咁岩

今日喺吉之島大肆採購，買得好開心

改錯帶、3 個不鏽鋼細飯盒、2 件牛角 Tee、膠盒、瀝水架、3 個膽大黨盲盒

跟住喺超級市場買左法包、Scone、牛蒡、拉麵湯包、黑椒豬手、白蘿蔔

買完就返屋企，跟住就洗碗然後煮角煮，一直到差唔多 5 點就燙衫，最後就煮晚餐

企左一日，好攰，原本有仲有樣正經野要做都決定擱置，都係下星期再算啦