7 點半就醒左，一開電話，果然係 10 號波緊，呢幾年打風真係愈來愈密……

早餐食左辣雞麵，今次有用匙羹度個辣汁所以辣度岩岩好，仲補左少少鹽。雖然係食得落，但味道總係差少少，始終係少左ｄ調味，例如味精之類。

屋企向冬，今次呢個風真係吹到正一正，個個窗台都漏水，之前果幾次都冇事，E 話今次係真正既壓力測試。

仲有另外一樣勁野（至少我覺得係），頭先叉緊電話時我又 check 緊 msg，突然之間叉唔到。我以為係 Apple 大神有 d 咩啟發俾我，試過換線換插頭都係唔得，但用電腦叉又得喎，唔通 Apple 依家勁到可以控制叉唔叉到電。咦，電腦顯示冇 wifi，望一望，根本成個拖把冇電，E 話可能係跳掣，我覺得最神奇嘅係啲燈仲著緊。雖然 off 嘅掣得一個，但平時唔係我整開，都係搵 E 睇，結果就係啪返上去就得返。

估唔到呢個風有啲料到⋯⋯

夜晚 8 點幾已經落返 3 號波，聽日要返工了 _(:_」∠)_