晨咁早搭 uber 去火車站，6 點 8 個字到，唔係好夠時間搵餐廳食早餐，決定買麵包上火車食，其實咁先係打開歐洲既正確方法

月台

對面月台既人

上左火車 settle 左就安心食早餐，差唔多食完先醒起要影相，對呢個包冇乜印象，味道應該好普通

冇，純粹係成件事好歐洲旅行，所以影下

好多裝備

估唔到搭飛機時剩低既果 jam 真係有用得著既一日

9 點 10 個字左右到 Brno

尋晚買既蕉，火車上冇食，因為太重，決定解決左佢先出火車站

好迷你既𨋢，但都入到我地 3 個連行李

第一步係去寄存行李先，真係好方便

我行返轉頭就係為左影呢張相，月台上既生果檔

火車站大堂

火車站出面

第一站係後面望到既教堂

見到有市集就八卦下睇下有咩買，呢檔係蔬菜

黃色呢啲唔知係用來煮餸定係裝飾用既花

仲有好多唔同種類既莓，想買上火車食，但又諗唔到點樣洗乾淨

廣場上仲有曬太陽用既凳，但其實已經好熱，係咁易影張相就走人

Katedrála svatých Petra a Pavla

教堂有多個語言既宣傳單張，有個角落仲有長崎原爆既紀錄，唉，人類

居然有免費既廁所！

E 同 J 去買咖啡，等佢地既時候周圍行下

原子鐘，J 話佢俾果 2 個小朋友不禮貌對待，J 裝緊入面既時候，佢地覺得 J 阻住晒，叫佢「fuck off」，咁細個就咁壞既

午餐係難得既越南菜

個湯底係似既，但牛肉就唔係薄片果隻，總體來講呢餐係好味既

跟住 Google map，穿過小巷去下一個景點－－Museum of the City of Brno

一路都搵唔到郵局，好彩呢度有郵票賣兼有得寄信

3 點都唔到，仲有啲時間，決定食個下午茶先

麵包店出面有得坐，但唔係好舒服

天氣好熱，想飲凍齋啡，但店員話冇，淨係得凍既 cappuccino，來回左 2 轉，佢地好不耐煩，算啦，cappuccino 就 cappuccino 啦，希望唔會肚痛……

3 點半左右返返火車站，懷疑呢個就係 Google map 講既火車站隔離既郵局……但我已經寄左明信片

一堆心急人喺度等，仲要唔係等架車，係等出幾號月台咋

途中仲要有火警，落晒防火閘，有人叫我地快啲離開火車站大堂

但我地冇走，首先我地見唔到火源，即係佢有啲距離，閘又落埋，點都冇咁快燒到

二來好多人都冇走，而佢地都似當地人，如果佢地都唔走，可能都唔係好大件事

三來，真係人生路不熟，我地好擔心火車唔知呢度火燭，如果一個唔好彩佢準時來又準備走，咁我地咪 GG

結果真係，火車準時到，佢到既時候個火警鐘仲響緊，好多人同我地一樣，一顯示邊個月台就直奔過去，而火車係準時開出的

因為之後會用歐羅，所以要喺呢度用晒啲捷克克朗

我地早左好多到火車站，就喺車站入面既超級市場同埋隔離啲舖仔買左麵包同咖啡，最後只係用剩好少量既銀仔

沿途會經過斯洛伐克，我一開始係想去埋斯洛伐克，但 E 同 J 覺得太多行程，所以最後就冇去到

4 點半左右出發，比原定時間遲左半個鐘，9 點先到布達佩斯

呢個就係月台，新奇又有趣

call 車去到 AirBnB，係電影中既電梯

由於已經有啲夜，我地喺樓下買左炸雞同薯條上去食，居然好好味，估佢唔到，可惜冇影相

樓下仲係聲色犬馬，好熱鬧