⋯⋯無論係餸定衫褲。

尋日落咗一日雨冇得岀街，今日落下停下，的起心肝岀街。有啲肚餓，本來想食嘢先，點知要等位。唯有去買褲先啦，估唔到又真係買到，仲要2條都覺得好啱心水。

買完去返餐廳，都係要攞飛，不過下一張就係我，好啦，等一陣啦。好快就入座，QR code 點餐冇咗 Apple Pay，懶，唔想入信用卡號碼，唯有去櫃檯點餐。

柚子漬蕃茄幾好食，但個芯好硬，要用匙羹用力先撬得開。

一路食一路睇住巴士時間，噢，冇機會啦，唔想追巴士，決定搭下一班。仲有大把時間，去書局打下書釘先，好多書都好吸引。

差唔多就過去巴士站，仲居然行車緩慢，一路推遲，好彩有風同有瓦遮頭，唔熱。

去到吉之島，買完嘢之後就返屋企。小巴返到屋企附近，估唔到突然間落狗屎，而我仲要去街市買多樣菜。好彩差唔多係最後行程，淋濕都唔驚。去完街市去超市，買埋聽日嘅菜。

返到屋企已經有4點半，休息咗陣就準備晚餐，今日好似真係做咗好多嘢 _(:_」∠)_。