收工之後買完外賣返到屋企，突然間覺得個肚有啲唔舒服，以為只係太熱中暑。坐咗陣，一啲都冇舒緩到，好似真係肚痛。

明明中午食嘅係蒸點心，喺個蒸籠度擺咁耐，拎返公司路程也都唔長，點解咁都會中招。

最後都係絞腸沙，痾咗次，喺梳化攤咗陣，又絞咗次勁嘅，但又冇得痾。其實有得痾就會好啲，痾晒啲唔乾淨嘅嘢岀來就咁好，但冇就算啦。

攤完冇事就起身煮飯，本身二厨 E 諗住幫手煮，但既然我突然返生就我來啦，好彩今晚係食外賣，煮碟菜、焗熱豬頸肉同煲滾返碗湯就完事。